Дурсамжиндаа сэтгэлээ уян санаашрав
Санахдаа сайхан бүхнээ дурсав
Санаа алдахдаа саарал дурсамжаа сөхөв
Бодолдоо борхон зүрх минь догдлов
Бодлогошрон суухдаа болохгүй бүхнээ санав
Мөрөөдөлдөө мөнхийн хайрыг дүрслэв
Мөдхөн замхран одоход нь биелүүлж өгөхийг бурханаас гуйв
Зүүдэндээ зүггүй охин болов
Зөрөөд өнгөрөх танихгүй залууд зүрхээ өгч орхив
Сэрээд шинэхэн зүүдээ санахыг хичээв
Сэтгэл татам залуугийн сайхан царайг санахыг оролдов
Богинохон хэрнээ учиртай зүүдний минь гол дүр
Бодолд минь эргэж орж ирсэнгүй
Эгэлхэн зүүдний минь эзэн
Эргээд үзэгдэхээн байчихав
No comments:
Post a Comment